Language switcher

  • 1015 просм.

Аялдардын ишкердигин колдоо жана өнүктүрүү

«Байлык Финанс» Кыргыз Республикасындагы жашыл долбоорлорду жана социалдык продукттарды көрсөтүүчү ESG стратегиясын ишке ашырган биринчи микрофинансылык уюм. Стратегияны иштеп чыгууда Компания БУУнун Туруктуу өнүктүрүү максаттарын жетекчиликке алган, алардын ичинен Компания үчүн эң актуалдуу 5 максат тандалган. Стратегиянын Туруктуу өнүктүрүүнүн артыкчылыктуу максаттарынын бири гендердик теңчилик болуп саналат, ал көп жылдар бою Компания үчүн абсолюттук мааниге ээ.
Компания туруктуу өнүгүү максаттарына өзүнүн берилгендигин жана ишкер аялдарды колдоого багытталган ESG долбоорлорун жана программаларын колдоого даярдыгын көрсөтөт. Буга байланыштуу үстүбүздөгү жылдын июль айында «Байлык Финанс» компаниясы гендердик облигациялардын ээси болуу менен «Азия Банкы» ЖАКтын социалдык долбоорун колдоого алган.
2023-жылдын 1-августунда «Байлык Финансы компаниясы» ААКнын башкы директору Молдажанова Чынара Даркенбаевна менен «Азия Банкы» ЖАК Башкармалыгынын Төрайымы Земфира Акишовна Атакишиеванын жолугушуусу болуп өттү. Жолугушууда уюмдардын ортосундагы өз ара кызматташуу маселелери, ошондой эле Кыргыз Республикасындагы аялдардын ишкердигин колдоо боюнча мындан аркы программалар талкууланды.
«Социалдык багыттагы компания катары биз мындай долбоорлордун маанилүүлүгүн түшүнөбүз, биз демилгени колго алып, аялдардын облигацияларынын жооптуу инвестору болгонубузга абдан кубанычта болдук». – деп белгиледи Чынара Даркенбаевна.
SDG 2023-жылга гендердик теңчиликти максат кылат:

Компаниянын кардарларынын арасында аялдардын үлүшү 59%ды түзөт;
Компаниянын ар кандай окууларынан өткөн аялдардын саны – 1200 адам;
Компаниянын кызматкерлеринин арасында аялдардын үлүшү 66%ды түзөт;
Жогорку башкаруудагы аялдардын үлүшү – 67%;

Ошондой эле, 2021-2025-жылдарга Кыргыз Республикасында аялдардын ишкердигин колдоо жана өнүктүрүү боюнча мамлекеттик программанын иш-чаралар планын ишке ашыруунун алкагында «Байлык Финанс» компаниясы «Ишкер аялдар үчүн эл аралык насаатчылык программасынын» долбоорун колдоого алды. USAIDдин ишкердикти жана бизнес чөйрөсүн өнүктүрүү долбоору. Биздин компаниянын кызматкерлери DevCIT окуу борбору менен биргеликте жеке бизнесин жүргүзүп жаткан ишкер аялдар үчүн финансылык сабаттуулук боюнча тренингдерди өткөрүштү. Программада бизнести эксперттик диагностикалоо, инвестицияга даярдоо жана эл аралык экспансия, бизнес-процесстерди жакшыртуу жана аларды системалаштыруу, өнөктөштүктөрдү издөө жана түзүү жана башка көптөгөн нерселер камтылган.
Үстүбүздөгү жылдын 26-июлунда Башкы директор Чынара Молдажанованын атынан «Байлык Финанс» компаниясына DevCIT окуу борборунан аялдардын ишкердигин илгерилетүү жана колдоо, Борбор Азиядагы ишкер айымдардын мүмкүнчүлүктөрүн кеңейтүү үчүн Ыраазычылык каты тапшырылды.

Биздин компания бирдей мүмкүнчүлүктөрдү түзүп, адилет мамилени, кардарлардын, кызматкерлердин ортосундагы гендердик теңчиликти жана башкаруу органдарында гендердик тең салмактуулукту камсыз кылууга умтулат. Компания аялдардын ишкердигин мындан ары колдоо өлкөнүн ийгиликтүү жана туруктуу экономикалык өнүгүүсүнө түрткү болот деп эсептейт.

  • admin      
  • 1015 просм.
Бөлүшүү: