Жаңылыктар

Гендердик маселелер боюнча тегерек столдо «Байлык Финанс» ЖЧКсынын башкы директору баяндама жасады

2023-жылдын 23-мартында Чынара Молдажанова Дүйнөлүк банк тарабынан Кыргызстанда уюштурулган “Экономикалык өсүштү жана гүлдөп-өнүгүүнү гендердик мааниде тездетүү” тегерек столуна катышты.
Бул иш-чаранын максаты өлкөдөгү гендердик кырдаалды талкуулоо болду: билим берүүнүн деңгээли жана сапаты, жумуштуулук, аялдардын ишкердиги жана башка көптөгөн маселелер активдүү талкууланды. Талкуунун негизги билдирүүлөрүнүн бири аялдар арасында позицияны бекемдөө, ишкердикти өнүктүрүү жана билим берүүнү жогорулатуу максатында өнөктөштүктү өнүктүрүү зарылчылыгы болду.
Тегерек столдо Чынара Даркенбаевна тегерек столдун катышуучуларына кызматкерлердин арасында карьералык өсүүнү өнүктүрүү боюнча Компаниянын тажрыйбасы, татыктуу эмгек акы алуу мүмкүнчүлүгү менен бөлүштү, ошондой эле аялдардын ишкердигин колдоо боюнча бардык долбоорлордун ийгиликтүү натыйжалары жөнүндө айтып берди. Чынара Даркенбаевна ошондой эле бүгүнкү күндө аялдар үчүн каржылоонун гана эмес, медициналык кызматтын да жеткиликтүү болушу маанилүү экенин белгиледи. Ошондуктан акыркы жылдары «Байлык Финанс» «Менин докторум» долбоору менен өнөктөштүктү өнүктүрүүдө, бул жерде Компаниянын кардарлары 24/7 күнү акысыз медициналык кеңеш ала алышат.